śivaḥ || PS_5.46 ||

• atra śiva ityetadapi bhagavato nāma // PSBh_5.46:1
• śivaḥ kasmāt // PSBh_5.46:2
• paripūrṇaparitṛptatvācchivaḥ // PSBh_5.46:3
• tasmāt sadāśivopadeśān nityo duḥkhāntaḥ // PSBh_5.46:4
• kāraṇādhikāranivṛttiḥ // PSBh_5.46:5
• tadarthaṃ nityo duḥkhānta iti siddham // PSBh_5.46:6
• evamete pañca padārthāḥ kāryakāraṇayogavidhiduḥkhāntāḥ samāsavistaravibhāgaviśeṣopasaṃhāranigamanataś ca vyākhyātāḥ // PSBh_5.46:7
• uktaṃ hi // PSBh_5.46:8
• ādau yad bhavati samāsoktaṃ madhye tasya vistarataś ca vibhāgataś copanayanigamanena satāmapyeṣa niścayaḥ // PSBh_5.46:9
• iti // PSBh_5.46:10
• atra tāvat patiriti kāraṇapadārthasyopadeśaḥ samāsena // PSBh_5.46:11
• vistarastu vāmo devo jyeṣṭho rudraḥ kāmaḥ śaṃkaraḥ kālaḥ kalavikaraṇo balavikaraṇo’ghoro ghorataraḥ sarvaḥ śarva tatpuruṣo mahādeva oṃkāra ṛṣir vipro mahānīśa īśāna īśvaro ’dhipatirbrahmā śiva ityevamādyo vistaraḥ // PSBh_5.46:12
• vibhāgo’pi anyat patitvam anyad ajātatvam anyad bhavodbhavatvamityādyo vibhāgaḥ // PSBh_5.46:13
• viśeṣaḥ anyeṣāṃ pradhānādīni asmākaṃ tadvyatirikto bhagavānīśvaraḥ // PSBh_5.46:14
• kāraṇādhikāre yasmādāha īśvaraḥ sarvabhūtānāmiti // PSBh_5.46:15
• eṣa upasaṃhāraḥ sārvakāmika ityācakṣate // PSBh_5.46:16
• nigamanam īśa īśāna īśvaro’dhipatirbrahmā śiva iti // PSBh_5.46:17
• tathā paśuriti kāryapadārthasyoddeśaḥ // PSBh_5.46:18
• tasya vistaro vidyā kalā paśavaḥ // PSBh_5.46:19
• utpādyā anugrāhyās tirobhāvyakālpyavikāryam aspadasya bodhyadhiṣṭheyatve cetyevam ādyaḥ sūtravidyādharmārthakāmair bhedair duḥkhāntaḥ vidyā // PSBh_5.46:20
• kalā dvividhāḥ // PSBh_5.46:21
• kāryākhyāḥ karaṇākhyāś ca // PSBh_5.46:22
• tatra kāryākhyāḥ pṛthivyādyāḥ // PSBh_5.46:23
• karaṇākhyā buddhyādyāḥ // PSBh_5.46:24
• paśavaś ca trividhāḥ // PSBh_5.46:25
• devā manuṣyās tiryañcaḥ // PSBh_5.46:26
• tatra devā aṣṭavidhā brahmādyāḥ // PSBh_5.46:27
• mānuṣyaṃ cānekavidhaṃ brāhmaṇādyam // PSBh_5.46:28
• tiryagyoni ca pañcavidhaṃ paśumṛgādyam // PSBh_5.46:29
• paśavaḥ sāñjanā nirañjanāś ca // PSBh_5.46:30
• evamādyo vistaraḥ // PSBh_5.46:31
• vibhāgo’pi anyā vidyā anyāḥ kalāḥ anye ca paśava ityevamādyo vibhāgaḥ // PSBh_5.46:32
• viśeṣaḥ anyeṣāṃ pradhānādīni kāraṇāni tānīha śāstre kāryatvena vyākhyātāni // PSBh_5.46:33
• tatra pradhānaṃ kāraṇam anyeṣāṃ tadiha śāstre paśyanāt pāśakatvāt kāryatvena vyākhyātam // PSBh_5.46:34
• tathā puruṣaḥ kāraṇamanyatra iha śāstre paśutvāt kāryatvena vyākhyātaḥ // PSBh_5.46:35
• tathā karmamadhyatvāt kālaḥ svabhāvaḥ upasaṃhāravat // PSBh_5.46:36
• bhūtāni vikāryatvāt kāryatvena vyākhyātāni // PSBh_5.46:37
• ityeṣa viśeṣaḥ // PSBh_5.46:38
• upasaṃhāraḥ sārvakāmika ityarthaḥ // PSBh_5.46:39
• nigamanaṃ vidyākalābhūtāni brahmeti // PSBh_5.46:40
• tathā yogamiti yogapadārthasyoddeśaḥ // PSBh_5.46:41
• tasyaivaṃ carataḥ yogaḥ pravartate ubhayathā yaṣṭavyaḥ atyāgatiṃ gamayate nānyabhaktistu śaṃkare evaṃ devanityatānityayuktatā adhyayanaṃ dhyānaṃ smaraṇaṃ nityasāyujyamiti vistaraḥ vibhāgaḥ kriyālakṣaṇaṃ kriyoparamalakṣaṇaṃ dūradarśanaśravaṇamananavijñānāni gaṇapatiḥ bhūyiṣṭhaṃ sampravartate siddhaḥ gacched duḥkhānāmantam ityevamādyo vibhāgaḥ // PSBh_5.46:42
• jñānaśaktiḥ kriyāśaktiśca // PSBh_5.46:43
• tatra jñānaśaktiḥ śravaṇādyā // PSBh_5.46:44
• kriyāśaktiḥ manojavitvādyā // PSBh_5.46:45
• ityevamādyo vibhāgaḥ // PSBh_5.46:46
• viśeṣaḥ anyeṣāṃ kaivalyam iha tu viśeṣo vikaraṇamiti // PSBh_5.46:47
• pratikaraṇa iti kaivalyadharmātiśaktir niṣkalam aiśvaryamityeṣa viśeṣaḥ // PSBh_5.46:48
• upasaṃhāraḥ ity ebhir guṇairyukta iti // PSBh_5.46:49
• ato yāvanti vākyaviśeṣāṇi saṃnikṛṣṭaviprakṛṣṭāni nirvacanāni tāni ca sarvanirvacanānīti kṛtvā yuktamuktam // PSBh_5.46:50
• evamatra śrībhagavatkauṇḍinyaviracite śrīmadyogapāśupataśāstrasūtravyākhyāne pañcārthabhāṣye pañcamo’dhyāyaḥ saha brahmaṇā granthato ’rthataśca parisamāpta iti // PSBh_5.46:51
• śubham // PSBh_5.46:52